चितवनमा २३६ आइसियु र ४७ जना भेन्टिलेटरमा

बैशाख २७,२०७८

चितवन । चितवनमा आज थप २७९ जनामा कोरोना भाइरस संक्रमण पुष्टि भएको छ भने चितवन जिल्लाका अस्पतालमा थप ७ जनाले कोरोनाका कारण ज्यान गुमाएका छन।

स्वास्थ कार्यालय चितवनले जनाए अनुसार भरतपुर महानगर पालिकामा २१८ जना संक्रमीत थपिए भने माडिका नगरपालिकामा ३ , खैरहनि ६,रत्ननगरमा १९,कालिकामा १७ र इच्छाकामनामा ३ र एन्टिजेन परिक्षण गर्दा थप १३ जनामा संक्रमण देखिएको जनाइ एको छ ।

चितवनका विभिन्न अस्पताल २३६ जनाको आइसियुमा र ४७ जनाको भेन्टिलेटरमा उपचार भइरहेको छ । अहिले चितवनमा सक्रिय संक्रमीत २६८६ जना रहेका छन।

चितवनका विभिन्न अस्पतालमा रहेका ७ जनाको मृत्यु भएको छ । मृत्यु हुनेमा चितवनका ३ जना , नवलपुरका १ ,रुपन्देही ३ गरि थप ७ जनाको मृत्यु भएको हो।
चितवनमा कुल मृतकको संख्या १४१ पुगेको छ । आज चितवनमा थप २९ जनाले कोरोना जितेका छन।