चैत्र १९,२०७७
नयाँ खेलाडी उत्पादन गर्न मदन भण्डारी स्पोर्टस एकेडेमि कालिका नगर कमिटी चितवनले प्रथमक कालिका गोल्डकप खुल्ला नकआउट फुटवल प्रतियोगिता गर्ने भएको छ ।
कालिका नगरपालिकाको खोलेसिमलमा आज पत्रकार सम्मेलन गरी दिइएको जानकारी अनुसार नयाँ वर्ष २०७८ सालको अवसर पारी वैशाख १ गतेदेखि खेल सुरु हुने एकेडेमिका अध्यक्ष निशान चौधरीले जानकारी दिए ।
स्थानीय सरकारलाइ खेल प्रति अपनत्वको भाव विकास गर्न पनि आयोजना गरिएको प्रतियोगितामा चितवन स्थानीय ६ सहित १२ वटा टिमको सहभागीता रहने उनले बताए । यस अघि चैत्र २१ गतेदेखि आयोजना गर्ने तयारी भएपनि सोही मैदानमा राष्ट्रपति रनिङ सिल्ड भएका कारण वैशाख १ गतेदेखि सुरु भई १२ गते फाइनल खेल हुने छ ।
प्रतियोगितामा प्रति टिम ५ जनासम्म विदेशी खेलाडी समेत सहभागी गराउन पाइने भएको छ । प्रतियोगितामा प्रथम हुनेलाई नगद रु १ लाख १ हजार १११ र उप विजेता हुनेलाई ५५ हजार ५ सय ५५ रुपैया सहित शिल्ड मेडल र प्रमाणपत्र प्रदान गरिनेछ ।
साथै विभिन्न विधामा सफल हुनेहरुलाई नगद पुरस्कार समेत राखिएको छ । प्रतियोगिता भरको उत्कृष्ट खेलाडीले वाइसाइकल तथा सर्वाधिक गोलकर्ता र उत्कृष्ट गोलरक्षकले समान ३(३ हजार रुपैयाँ र ट्रफि प्राप्त गर्ने आयोजकले जनाएको छ ।
गृहनगर पब्लिकेसन प्रा.लि.,भरतपुर ,चितवन ,नेपाल.
फोन :- ९७७-५६५९४४४०
ईमेलः khabarmuluk@gmail.com
सूचना तथा प्रसारण बिभाग दर्ता नं.२०३७/०७७-७८