फरक मत राख्नेहरूलाई पार्टी छोड्न अध्यक्ष ओलीको चेतावनी

नेकपा एमाले अध्यक्ष केपी शर्मा ओलीले पार्टी रूपान्तरणको मत राख्दै आएकाहरूलाई पार्टी छोड्न चेतावनी दिएका छ।

इलाममा शनिबार आयोजित कार्यक्रमलाई सम्बोधन गर्दै उन ले पार्टी रूपान्तरणको नाममा हुलदंगा भइरहेको टिप्पणी गर्दै यस्तो चेतावनी दिएका हो। उनले पार्टीको विरोध गरेर सामाजिक सञ्जालमा जे पायो त्यही लेख्ने र पार्टी कार्यालयको क्यान्टिनमा बसेर हुलदंगाको काम बन्द गर्न चेतावनी दिए छ। यस्ता गतिविधि नरोकिए अनुशासनको कारबाही हुने उनले चेतावनी दिए ।

उनले भने ,- ‘पार्टीको विरोध गरेर, सामाजिक सञ्जालमा जे पायो त्यही लेखेर हिँड्न पाइँदैन। पार्टीमा बस्ने हो भने अनुशासनमा बस्नु पर्छ। अर्को पार्टीमा जाने हो भने त्यहीँको अनुशासन पालना गरे हुन्छ। पार्टीमा काम नगर्ने हो भने घरै बसे हुन्छ। सम्झाउँदा पनि नमान्नेलाई विधि र विधान अनुसार कारबाही गरिन्छ। २८ लाख भोट आएको ठाउँमा १४ लाख मात्र भोट आउनु गम्भीर कुरा हो । पार्टी सदस्य धेरै हुने तर भोट कम आउने अवस्थालाई सुधार्नु छ। साथीहरूलाई इमानदार बनाउनु छ।’

अध्यक्ष ओलीले गत फागुन २१ गतेको निर्वाचनमा एमालेको भोट कम भएको विषय गम्भीर रहेको समेत बताए । पार्टी सदस्य धेरै हुने तर भोट कम हुने अवस्थाको अन्त्य हुनुपर्नेमा उनको जोड छ ।