नयाँ भेरिएन्टका लागि मोर्डनाको भ्याक्सिन उपयोगी

माघ १३,२०७७

कोभिड -१९ को नयाँ भेरिएन्टमा पनि मोर्डनाको भ्याक्सिन उपयोगी हुने देखिएको छ । उत्पादक कम्पनीले सुरुवाती ल्याबमा गरिएको परीक्षणमा सो कुरा देखिएको जनाए पनि यथेष्ट प्रमाणका लागि मानिसमा भ्याक्सिन लगाउँदै गए पछि सबै प्रस्ट हुने जनाएको छ ।

नयाँ भेरिएन्टको तीव्र गतिमा सङ्क्रमण फैलिएको छ । यो म्युटेसन हुने क्रम पनि यसरीनै चली रहेका कारण धेरैका कुरा पुष्टि गर्न अझ लामो समय प्रतीक्षा गर्नु पर्ने भएको हो । यस अघि फाइजरले पनि बेलायतमा देखिएको नयाँ भेरिएन्टमा काम गर्ने जनाएको थियो ।

भाइरस लिएका आठ जनाको शरीरबाट रगत निकालेर उनीहरुको एन्टी बडीले काम गर्छ की गर्दैन भनेर हेरिएको हो । ल्याबमा गरिएको परीक्षणले बेलायतको भन्दा दक्षिण अफ्रिकाको हकमा एन्टबडी कमजोर रहेको देखिएको छ । दक्षिण अफ्रिकी भेरिएन्टबाट भने लामो समय रक्षा गर्न नसक्ने सम्भावना औँल्याइएको छ ।

बेलायती नियामक संस्थाले मोर्डनाको भ्याक्सिन अप्रिल देखि वितरण गर्ने गरी स्वीकृत गरेको छ । पहिले नै अर्डर गरिएका १ करोड १७ लाख डोज पनि अप्रिल अघि आउने सम्भावना देखिएको छैन । बेलायतमा ६३ लाख भन्दा बढीले फाइजर यो मोर्डना मध्य एकको भ्याक्सिन लगाइसकेका छन् ।