बेलायतमा लकडाउनका बिच भ्याक्सिन दिइने

पौष–२१, २०७७

नयाँ भेरिएन्टको कोरोना भाइरसका कारण सङ्क्रमण धेरै फैलन थाले पछि इंग्ल्यान्डमा कडा लकडाउन लगाइएको छ ।

फेब्रअरीको मध्यसम्म अति आवश्यक काम बाहेक कसैलाई पनि घर बाहिर निस्कन बन्देज लगाइएको छ । प्रधानमन्त्री बोरिस जोन्सनले फेब्रअरीकोे मध्यसम्ममा जोखिममा रहेका चार समूहलाई भ्याक्सिन लगाइसकिने जानकारी दिए ।

सबै केयर होममा रहेका, तिनको हेरचाह गर्ने, ७० वर्ष भन्दा माथिका व्यक्ति, स्वास्थ्यकर्मी र सुरक्षाकर्मी तथा दिर्घरोघीहरुलाई फेब्रअरी मध्यसम्म एक डोज भ्याक्सिन लगाइने छ ।

स्कटल्यान्डले यस अघि नै सबैलाई घरमा बस्न अपिल गरिसकेको छ । वेल्समा भने स्कुल र कलेज बन्द गरिएका छन् ।

प्रधानमन्त्री बोरिस जोन्सनले बेलायत अहिले सबैभन्दा कठिन र अन्तिम लडाइ लडी रहेको प्रतिक्रिया दिएका छन् ।