चितवनमा ७७ वर्षीय कोरोना संक्रमितको मृत्यु

कार्तिक २५,२०७७
भरतपुर । चितवनको भरतपुर महानगरपालिका वडानम्वर १९ का ७७ वर्षीय कोरोना संक्रमित पुरुषको मृत्यु भएको छ ।
चितवन मेडिकल कलेजमा उपचाररत ती पुरुषमा कार्तिक २१ गते कोभिड १९ को संक्रमण पुष्टि भएको थियो । कोभिड आइसीयु कक्षमा राखेर उपचार हुँदै गर्दा सोमबार राति ८ बजेर १८ मिनेटमा निधन भएको अस्पतालका निर्देशक डा दयाराम लम्सालले जानकारी दिए ।

उनमा उच्च रक्तचाप, मृगौलाको दिर्घरोग र मधुमेहको समेत समस्या रहेको समेत लम्सालले बताए ।