कुवेतका राजा शेख सबाह अल–अहमदको अमेरिकामा निधन

आश्विन–१४,२०७७

कुवेतका राजा अमिर शेख सबाह अल–अहमद अल–सबाहको ९१ वर्षको उमेरमा निधन भएको छ ।

शेखको निधनपछि मन्त्रिपरिषदको बैठकले उनका सौतेनी भाइ ८३ वर्षका युवराज शेख नवाफ अल–अहमदलाई उत्तराधिकारी घोषित गरेको छ । गत जुलाईमा शेख सबाह उपचारका लागि अमेरिका गएका थिए ।

उनले सन् २००६ देखि कुवेतमा शासन गर्दैै आएका थिए । तेलको धनी खाडी राष्ट्र कुवेतमा उनले त्यसअघि ५० वर्ष भन्दा बढी देशको परराष्ट्र नीतिको नेतृत्व गरेका थिए ।