ओली अझै भन्दैछन–‘सरकार कसैलाई भोकले ज्यान गुमाउन नदिन प्रतिबद्ध छ’

  • असोज ०९, २०७७

आश्विन–९,२०७७

काठमाडौं । प्रधानमन्त्री केपी शर्मा ओलीले वर्तमान स्वास्थ्य र आर्थिक संकटले मानिसहरुलाई फेरी गरिवीमा धकेल्ने सम्भावना रहेकाले सचेत हुनुपर्ने बताएका छन् । मानिसहरुलाई फेरि गरिबीमा जान नदिनु अहिलेको मुख्य चुनौति रहेको प्रधानमन्त्री ओलीको भनाइ छ ।

ओलीले संयुक्त राष्ट्र संघ (यूएन) को ७५ औं महासभा अन्तरगतको ‘पोभर्टी एट अ क्रसरोडः युजिङ लिडरसिप एन्ड द मल्टिडाइमेसनल पोभर्टी इन्डेक टु बिल्ड ब्याक बेटर’ शीर्षकका लागि भिडियो रेकर्ड गर्दै उनले दिगो विकास लक्ष्य सन् २०३० का एजेन्डा प्राप्त गर्न एक दशक बाँकी रहेकाले सचेत हुनु पर्ने बताए ।

गरिबी न्यूनीकरणमा गरिएको प्रगति र समग्र विकासका प्रयासहरुको मूल्याकंन अब प्राथमितकतामा पर्नुपर्ने बताए ।

न्यूर्योकस्थित यूएनका लागि नेपालको स्थायी नियोगले विज्ञप्ती जारी गर्दै ओलीले सम्बोधनका क्रममा नेपालको नीतिको लक्ष्य सबै किसिमको भेदभाव र अभावको अन्त्य गर्ने र समानता र सामाजिक न्यायमा आधारित आर्थिक वृद्धिलाई प्रोत्साहन गर्ने रहेको बताएका छन् ।

ओलीले कोहि पनि भोको नहोस् र कोहि पनि भोकै मर्न नपरोस भन्नेमा प्रतिबद्ध रहेको बताए । उनले नेपालले गरिबीलाई बहुआयामिक तरिकाबाट हेर्ने बताएका थिए ।

विज्ञप्ती अनुसार प्रधानमन्त्री ओलीले गरिबी, अशिक्षा र बेरोजगारी घटाउने सरकारको लक्षित कार्यक्रम बारे समेत बोलेका थिए । –वर्णन

प्रकाशक

गृहनगर पब्लिकेसन प्रा.लि.,भरतपुर ,चितवन ,नेपाल.

फोन :- ९७७-५६५९४४४०

ईमेलः [email protected]

सूचना तथा प्रसारण बिभाग दर्ता नं.२०३७/०७७-७८