पहिरो गएपछि नारायणगढ – मुगलिङ सडक खण्ड अवरुद्ध

आश्विन–२,२०७७

चितवन । रातीदेखि परेको अविरल वर्षाले पहिरो गएपछि नारायणगढ–मुगलिङ सडक खण्ड अवरुद्ध भएको छ । शुक्रवार विहान ५ः४० वजे भरतपुर–२९ स्थित नारायणगढ–मुगलिङ सडक खण्डको १४ किलो, १७ किलो र घुमाउनेमा पहिरो गएपछि उक्त सडक खण्ड अवरुद्ध भएको चितवन प्रहरीले जनाएको छ । पहिरो गएपछि सडक डिभिजन कार्यालयका २ वटा एक्साभेटरले पहिरो हटाउने काम भैरहेको छ ।

घुमाउनेको मोली खोला पुलमा ठुलो पहिरो गएकोले उक्त पहिरो हटाउन ३÷४ घण्टा लाग्ने र ११ वजे सम्ममा सडक खुलाउन सकिने अनुमान गरिएको प्रहरीले जनाएको छ ।

असोज १ गतेबाट लामो दुरीका सवारी साधन संचालन भएसंगै उक्त क्षेत्रमा सवारी साधनको चाप बढ्न थालेकोछ । अहिले दुवैतर्फ सवारी साधनको लामो लाईन रहेको ट्राफिक प्रहरीले जनाएको छ ।