चितवनमा भरतपुरका १५ सहित थप १८ जनामा कोरोना संक्रमण पुष्टि

भाद्र– १८, २०७७

चितवन । भरतपुर स्थित चितवन मेडिकल कलेजको कोभिड–१९ प्रयोगशालामा १८ जना कोरोना भाइरस संक्रमण पुष्टि भएको छ ।

बुधबार गरिएको परिक्षणमा भरतपुरका १५ सहित १८ जनाको रिपोर्ट पोजेटिभ आएको हो।
जस अनुसार भरतपुर– १ का १ पुरुष , ४ का १ महिला ,१० का २ पुरुष र ५ महिला गरि ७ जना , ११ का ३ महिला र १४ र १६ का १/१ पुरुष गरि जम्मा १५ जना संक्रमित भएका हुन। यस्तै गैडाकोट ५,७ र ९ का १/१ जना गरि ३ जनाको पनि रिपोर्ट पोजेटिभ आएको अस्पतालले जनाएको छ। संक्रमितहरु १४ देखि ६६ बर्ष सम्मका रहेका छन।

हिजो बुधवारै साँझ भरतपुर अस्पतालको प्रयोगशालामा चितवनका ३८ जनामा संक्रमण पुष्टि भएको थियो ।

सिएमसी स्वाव संकलन केन्द्रबाट लिएका १२० नमुना परिक्षण गर्दा १०२ नमुनाको नतिजा नेगेटिभ आएको हो भने १८ जनाको पोजेटिभ आएको अस्पतालले जनाएको छ ।