धनगढीमा महेश बस्नेतको विरोधमा जेन–जी, प्रदर्शनस्थलमा देखिए सेना

नेकपा (एमाले)का नेता महेश बस्नेत आउने भएपछि कैलालीको धनगढीमा जेन–जी युवाहरूले थालेको प्रदर्शनमा जारी छ ।

बुधबार राष्ट्रिय युवा संघले आयोजना गरेको युवा जागरण अभियानलाई सम्बोधन गर्न बस्नेत धनगढी आउँदै छन् । युवा संघका नेताहरूका अनुसार बस्नेत केही समयमा धनगढी पुग्ने कार्यक्रम छ ।

बस्नेतको विरोधमा धनगढीको जेन–जी मार्गनजिक हसनपुरमा युवाहरूको समूहले प्लेकार्डसहित प्रदर्शन गरिरहेका छन् । सुरक्षा घेरामा जेन–जीको प्रदर्शन चलिरहेको समयमा नेपाली सेनाको टोली पनि प्रदर्शनस्थलमा देखिएको छ ।

सेनाले आफूहरू अलर्ट रहेको सन्देश दिन रेकी गरेको हुनसक्ने आकलन गरिएको छ ।