डोल्पा कारागारबाट सुरुङ खनेर ८ कैदी भागे

जिल्ला कारागार कार्यालय डोल्पाबाट आठ कैदी फरार भएका छन् ।

डोल्पाको सदरमुकाम दुनैस्थित जिल्ला कारागारमा शुक्रबार राति सुरुङ खनेर कैदीहरू फरार भएका हुन् ।

जिल्ला प्रहरी कार्यालय डोल्पाका प्रमुख प्रहरी नायब उपरीक्षक (डीएसपी) अनिलराज गिरीका अनुसार कारागारमा रहेका १७ कैदीमध्ये आठ जना सुरुङ खनेर भागेका हुन् । अहिले प्रमुख जिल्ला अधिकारी र डीएसपीको टोलीले कारागार कक्षको निरीक्षण गरिरहेको छ ।

फरार कैदीको खोजी सुरु भइसकेको प्रहरीले जनाएको छ ।