लगातार २ खेल जितेको नेपालले आज साउदी अरेबियासँग खेल्दै

मलेसियामा जारी एसीसी पुरुष प्रिमियर कप क्रिकेटमा नेपालले आज साउदी अरेबियासँग खेल्दैछ। खेल क्वालालम्पुरमा रहेको बायुमास ओभलमा नेपाली समयानुसार बिहान सवा ७ बजे सुरु हुनेछ। नेपालले यसअघि प्रतियोगितामा लगातार दुई खेल जितेको छ।

नेपालले पहिलो खेलमा बहराइनलाई ७ विकेटले र दोस्रो खेलमा आयोजक मलेसियालाई ६ विकेटले हराएको थियो। समूह ‘ए’ मा नेपाल, साउदी अरब, बहराइन, मलेसिया र हङकङ रहेका छन्।