बढ्यो कोरोना ग्राफ : ८९५ संक्रमित थपिए, १ जनाको मृत्यु

साउन १६, २०७९

पछिल्लो चौबिस घण्टामा देशभर ८९५ जना कोरोना भाइरसका नयाँ संक्रमित थपिएका छन् ।

स्वास्थ्य तथा जनसंख्या मन्त्रालयका अनुसार पीसीआर र एन्टीजेन विधिबाट ५ हजार ९०९ जनाको नमुना परिक्षण गर्दा उक्त संख्यामा कोरोना भाइरसको संक्रमण भएको पाइएको हो ।

बितेको चौबिस घण्टामा कोरोना भाइरस संक्रमणका कारण थप १ जनाको मृत्यु भएको मन्त्रालयले जनाएको छ ।यो सगै हाल सम्म कोरोनाका कारण ११ हजार ९६८ जनाले ज्यान गुमाएका छन।

मन्त्रालयका अनुसार सोही अवधिमा कोरोना भाइरस संक्रमित २६४ जना निको भएका छन् । निको हुनेको दर ९८ दशमलव ३ प्रतिशत रहेको छ। हाल देशभर कोरोना भाइरस सक्रिय संक्रमितको संख्या ४ हजार ९३४ रहेको मन्त्रालयले जनाएको छ ।