भजेठ ५, २०७९
झापाको दमकमा गठबन्धनका उम्मेदवार राम थापाले ७ नम्बर वडाको करिब दुईतिहाइ मतगणना हुँदा ५६८ मतले अगाडि पुगेका छन् । ७ नम्बर वडामा खसेको ३३५० मतमध्ये अहिलेसम्म २१२८ मतको गणना सकिएको छ ।
एमालेले भने ७ मा पछाडि परेपनि ५ बाट त्यसलाई सन्तुलनमा राखेर अगाडि बढ्ने र ६ बाट चुनाव जित्ने दावी गरेको छ । अहिले गणना भइरहेको दमक ७ यसअघि पनि राप्रपाले जितेको वडा हो । त्यहाँ यो पटक पनि निवर्तमान वडाध्यक्ष भीम पौडेल नै उमेदवार छन् । अहिलेसम्म परिणाम घोषणा भएका वडाहरूमा १, २, ३, ८ र ९ मा एमाले विजयी भएको छ भने वडा नम्बर १० र ४ मा नेपाली काँग्रेस विजयी भएको छ ।
दमकको ५ नम्बर वडा एमालेका अध्यक्ष केपी ओलीको वडा हो । त्यहाँ ४३४९ र वडा नम्बर ६ मा २७५४ मत खसेको छ । दमक नगरपालिकामा जम्मा ३९७३६ मत खसेको छ । अब गणना हुन बाँकी मत ८३२५ मत गणना हुन बाँकी छ ।
गृहनगर पब्लिकेसन प्रा.लि.,भरतपुर ,चितवन ,नेपाल.
फोन :- ९७७-५६५९४४४०
ईमेलः khabarmuluk@gmail.com
सूचना तथा प्रसारण बिभाग दर्ता नं.२०३७/०७७-७८