कर्मचारीमा कोरोना भएपछि टेकु अस्पतालमा १ साता खोप अभियान स्थगित

माघ ९,२०७८

काठमाडौँ- राजधानीको टेकुस्थित शुक्रराज ट्रपिकल तथा सरुवा रोग अस्पतालमा खोप अभियान स्थगित भएको छ।

अस्पतालबाट जारी एक विज्ञप्तिअनुसार अस्पतालका ५० भन्दा बढी चिकित्सक, स्वास्थ्यकर्मी तथा कर्मचारी कोभिड–१९ बाट संक्रमित भएपछि खोप अभियान स्थगित गरिएको हो।

अस्पतालले आइतबार यसबारे विज्ञप्ति जारी गर्दै माघ १० गते सोमबारदेखि माघ १६ गते आइतबारसम्म एक साताका लागि खोप अभियान स्थगित भएको जानकारी दिएको हो।