चितवनका १३० मा संक्रमण,५ को मृत्यु

परिक्षण मध्ये १३.०५ प्रतिशतमा संक्रमण

भदौ ९ ,२०७८

चितवन । आज चितवनमा ८७१ जनाको पिसिआर परिक्षण गर्दा १०६ र १२५ को एन्टिजेन परिक्षण गर्दा २४ जनामा कोरोना भाइरस संक्रमण पुष्टि भएको छ ।

आज जिल्लामा थप ५ जना कोरोना संक्रमितहरुले ज्यान गुमाएका छन।

स्वास्थ कार्यालय चितवनका अनुसार भरतपुर महानगर पालिकामा ९१ , खैरहनि ९ माडि ८ , रत्ननगर १५ , राप्ती ६ र इच्छाकामनाका १ जनामा संक्रमण पुष्टि भएको हो ।

चितवनका विभिन्न अस्पतालमा ५७ जनाको आइसियुमा छन। जसमध्ये १६ जनाको भेन्टिलेटर र २३ जनाको एचडियुमा उपचार भइरहेको छ । अहिले चितवनमा सक्रिय संक्रमीत १८४४ जना रहेका छन।

मृत्यु भएका मध्ये चितवनका ४ र नवलपुरका १ जना रहेका छन।

यो संगै चितवनमा कुल मृतकको संख्या ३८६ पुगेको छ । आज चितवनमा १६८ जना संक्रमीत निको भएका छन।