चितवनमा २ हजार ५ सयबढी सक्रिय संक्रमीत

परिक्षण मध्ये ११.८० प्रतिशतमा संक्रमण

साउन ३१,२०७८

चितवन । आज चितवनमा ३९६ जनाको पिसिआर परिक्षण गर्दा ४७ जनामा कोरोना भाइरस संक्रमण पुष्टि भएको छ ।

आज जिल्लाका विभिन्न अस्पतालमा थप ४ जना कोरोना संक्रमितहरुले ज्यान गुमाएका छन।

स्वास्थ कार्यालय चितवनका अनुसार भरतपुर महानगर पालिकामा ३३ , खैरहनि ४, माडि १, रत्ननगर ५ ,राप्ती १ र कालिमा ३ जनामा संक्रमण पुष्टि भएको हो ।

चितवनका विभिन्न अस्पतालमा ९२ जनाको आइसियुमा छन। जसमध्ये २८ जनाको भेन्टिलेटर र ४७ जनाको एचडियुमा उपचार भइरहेको छ । अहिले चितवनमा सक्रिय संक्रमीत २५०१ जना रहेका छन।

मृत्यु भएका मध्ये चितवनका ३ र मकवानपुरका १ जना रहेका छन।

यो संगै चितवनमा कुल मृतकको संख्या ३६५ पुगेको छ । आज चितवनमा ७४ जना संक्रमीत निको भएका छन।