माघ–११, २०७७
सरकारले कोरोना भाइरस (कोभिड–१९) विरुद्धको खोप अभियान आगामी बुधवार वाट सुरु गर्ने भएको छ । प्रधानमन्त्री केपी शर्मा ओलीले १४ माघ बिहान १० बजे कोरोनाविरुद्धको खोप अभियानको शुभारम्भ गर्ने स्वास्थ्य तथा जनसङ्ख्या मन्त्रालयले जानकारी दिएको हो ।
आइतबार सातै प्रदेशका मुख्यमन्त्रीसँग छलफलमा देशभर एकै पटक सुरु हुने जनाएको छ । सम्भव नभएका स्थानमा १८ माघभित्र खोप लगाइने मन्त्रालयले योजना बनाएको छ ।
सुरुमा फ्रन्टलाइनमा रहेर काम गर्ने व्यक्तिलाई कोरोनाविरुद्धको खोप दिने छ । यसका लागि भारतले १० लाख डोज खोप नेपाललाई अनुदानमा उपलब्ध गराएको छ । अनुदानको खोप बिहीबार काठमाडौँ आइपुगेको थियो ।
मन्त्रालयले आइतबार नै देशभरका सबै सात प्रदेशमा आवश्यक पर्ने खोप पुरÞ्याइसकेकोे जनाएको छ । अक्सफोर्ड र एस्ट्राजेनेकाले विकास गरेको तथा सेरम इन्स्टिच्युट अफ इन्डियाले उत्पादन गरेको ‘कोभिसिल्ड’ खोपका सरकारले आपत्कालीन प्रयोगका लागि अनुमति दिएको छ ।
गृहनगर पब्लिकेसन प्रा.लि.,भरतपुर ,चितवन ,नेपाल.
फोन :- ९७७-५६५९४४४०
ईमेलः khabarmuluk@gmail.com
सूचना तथा प्रसारण बिभाग दर्ता नं.२०३७/०७७-७८