भरतपुर अस्पतालमा १  संक्रमितको मृत्यु

कार्तिक २०,२०७७

भरतपुर । चितवनको भरतपुर अस्पतालमा एक जना कोरोना संक्रमित पुरुषको मृत्यु भएको छ । अस्पतालमा उपचाररत मकवानपुरको हेटौंडा उपमहानगरपालिका–६ का ८२ वर्षीय पुरुषको आज विहान १ बजे मृत्यु भएको अस्पतालले जनाएको छ।

कार्तिक १५ गते नै कोरोना भाइरस संक्रमण पुष्टि भएको उनको श्वासप्रश्वासमा समस्या भएपछि कार्तिक १८ गते भरतपुर अस्पताल भर्ना हुनुभएको थियो । निजको स्वास्थ्य अवस्था थप जटिल बन्दै गएपछि कोभिड आइसीयूमा राखेर उपचार थालिएको थियो ।