गैंडाकोट नगरपालिकाका ३ कर्मचारी सहित ३१ जनामा कोरोना संक्रमण पुष्टी

कार्तिक–१, २०७७

नवलपुर । नवलपुर जिल्लाको गैंडाकोट नगरपालिकाका २ स्वास्थ्यकर्मी सहित ३ जनामा कोरोना संक्रमण पुष्टी भएको छ ।

एक जना ढोडेनी शहरी स्वास्थ्य क्लिनिकका, अर्का एक अमरापुरीमा र विषयगत शाखा प्रमुखमा संक्रमण पुष्टी भएको हो । गत असोज २८ गते नगरपालिकामा संकलित १४९ स्वावमा ३१ जनामा कोरोना संक्रमण पुष्टी भएको हो । जसमा नगरपालिकाको वडानम्वर १ मा ५ जना, २ मा ३ जना, ३ मा १ जना, ४ मा ७ जना, ५ मा ४ जना, ६ मा १ जना, ८ मा ३ जना, १० मा १ जना, १२ मा २ जना र १३ मा ४ रहेका छन् ।

स्वास्थ्य शाखा प्रमुख झलकराज पौडेलका अनुसार कुल ३१ जना भएपनि २ जना पहिलेकै संक्रमितको पुन परीक्षण गरिएको र ५ जना मध्य ४ जना कावासोती र १ जना भरतपुरमा रहेको हो भने २४ जना मात्रै गैंडाकोटको रहेको जानकारी दिए ।