• फागुन २२, २०८०, मंगलवार Tuesday, 05 March, 2024

खोप आएपनि २० लाख मानिसको मृत्यु हुनसक्ने डब्ल्यूएचओको चेतावनी

  • संबाददाता

खोप आएपनि २० लाख मानिसको मृत्यु हुनसक्ने डब्ल्यूएचओको चेतावनी

आश्विन–१०,२०७७

अहिले यूरोपमा कोरोना भाइरस सङ्क्रमणको नयाँ लहर देखा परिरहेका बेलो कोरोनाको खोप आए पनि डब्ल्यूएचओले २० लाख मानिसको यो भाइरसबाट मृत्यु हुनसक्ने चेतावनी दिएको छ ।

डब्ल्यूएचओका आपत्कालीन मामिलाका प्रमुख डा. माइक रायनले अन्तर्राष्ट्रिय सहकार्य नभएमा मृतकको सङ्ख्या अझ बढी हुनसक्ने बताएका छन् ।

गएको वर्षको अन्त्यमा चीनमा कोभिड–१९ देखा परेयता यस रोगबाट अहिलेसम्म ज्यान गुमाउने मानिसहरूको सङ्ख्या १० लाख नाघ्नै लागेको छ ।

यसबाट सङ्क्रमितहरू बढ्नेक्रम जारी रहँदा अहिलेसम्म विश्वभरि तीन करोड २० लाखभन्दा बढी मानिसमा यो भाइरसले सङ्क्रमण गरेको पुष्टि भएको छ । हिउँद आउन लाग्दा उत्तरी गोलार्धका थुप्रै देशमा सङ्क्रमणको दोस्रो लहर सुरु हुन लागेको बिज्ञहरुले बताई रहेका छन् ।

माइक रायनका अनुसार अहिलेको गति कायम रहने अवस्थामा खोप तयार हुनुअगाडि नै थप १० लाख मानिसको मृत्यु हुने उच्च सम्भावना छ ।

यद्यपि उनले यस रोगको उपचार पद्धतिमा सुधार आइरहँदा मृत्युदर भने घटिरहेको बताए । सुधार गरिएको उपचार पद्धति र प्रभावकारी खोप मात्रै पनि २० लाखको सीमा रोक्न पर्याप्त नहुन सक्छ –उनले प्रष्ट पारे ।

माइक रायनले सरकारहरूलाई कोभिड–१९ नियन्त्रण गर्न आवश्यक हरेक उपाय अपनाउन आग्रह गरेका छन् । रायनले सरकारहरूलाई कोभिड–१९ नियन्त्रण गर्न आवश्यक हरेक उपाय अवलम्बन गर्न समेत आग्रह गरेका छन् ।

“जबसम्म हामी सबथोक गर्दैनौँ तपाईँले भनिराखेको संख्या काल्पनिक मात्र हुनेछैन । बरु दुर्भाग्यवश त्यो निकै सम्भावित हुनेछ ।’’यूरोपमा केही दिनयता फेरि ठूलो संख्यामा संक्रमित देखिने क्रमसुरु भएको छ । त्यसले गर्दा पहिलो लहर उत्कर्षमा रहेका बेला लगाइए झैँ देशव्यापी लकडाउन हुनसक्ने चेतावनी पनि दिइएको छ । यूरोपको अवस्थाबारे डा. रायनले भने, समग्रमा उक्त विशाल क्षेत्रमा हामीले यस रोगको चिन्ताजनक वृद्धि देखिरहेका छौँ ।

रायनले युरोपेलीहरूले लकडाउन लगाउने अवस्था छल्नका लागि के पर्याप्त कामहरू गरिएको छ त भनेर आफैँलाई प्रश्न गर्न आग्रह गरे । परीक्षण र सङ्क्रमितको संसर्गमा आएका व्यक्तिको पहिचान, क्वारेन्टीन र सामाजिक दूरीको कायम गर्ने जस्ता विकल्पहरू लागु भए नभएको समेत मूल्याङ्कन गर्न पनि आग्रह गरे । डब्ल्यूएचओ मूख्यालय जेनेभामा बोल्दै उनले भने, लकडाउन भनेको अन्तिम विकल्प हो । अहिलेसम्म अमेरिका, भारत र ब्राजिलमा सर्वाधिक संख्यामा सङ्क्रमण पुष्टि भएको छ । यी तीन देशको कुल सङ्क्रमितको सङ्ख्या मात्र डेढ करोडभन्दा माथि छ ।

अमेरिकाका अग्रणी सङ्क्रामक रोग विज्ञ एन्थनी फाउचीले आफ्नो देशमा अहिलेसम्म सङ्क्रमणको पहिलो लहर नै अन्त्य नभएको बताएका छन् । उनले सीएनएनसँग भने, दोस्रो लहरको कुरा गर्नुभन्दा किन हामीले हिउँद वा शरद्का लागि तयार हुने कुरा नगर्ने ?

अमेरिकामा अहिलेसम्म यो भाइरसबाट ७० लाखभन्दा बढी सङ्क्रमित भएका छन् । कोरोनाभाइरस सङ्क्रमणसँग सम्बन्धित कारणले दुई लाख जनाभन्दा बढीको मृत्यु भएको छ । त्यसपछि रहेको भारतमा ५८ लाखभन्दा बढी मानिस सङ्क्रमित भएका छन् । त्यहाँ ९२,००० जनाभन्दा बढीले त्यहाँ ज्यान गुमाइसकेका छन् । – नेपालपत्र

  • प्रकाशित मिति : असोज १०, २०७७, शनिवार १२:४३ बजे

प्रकाशक

गृहनगर पब्लिकेसन प्रा.लि.,भरतपुर ,चितवन ,नेपाल.

फोन :- ९७७-५६५९४४४०

ईमेलः khabarmuluk@gmail.com

सूचना तथा प्रसारण बिभाग दर्ता नं.२०३७/०७७-७८