फुटबलमा भौतिक दूरी कायम गर्दा ३७ गोल

  • असोज ०३, २०७७

आश्विन –३,२०७७

जर्मनीको एउटा फुटबल टोलीले स्थानीय प्रतिद्वन्द्वीसँगको खेलमा कोभिड–१९ का कारण भौतिक दूरी कायम गर्दा ३७ गोल खाएर पराजित भएको छ ।

रिपडोर्फ नामक क्लबले जम्मा सातजना खेलाडीलाईमात्र मैदानमा उतारेको थियो । ती खेलाडीहरु मैदानमा उत्रिएर बललाई हानेपछि मैदानको छेउतिर लागे ।

किन कायम गरियो दूरी ?

प्रतिद्वन्द्वी क्लब एसभी होल्डेन्स्टेडका खेलाडीहरू अघिल्लो खेलमा कोभिड–१९ बाट संक्रमितको सम्पर्कमा कन्याक्ट्र ट्रेसिङ्गमा परेका थिए ।

उनीहरूको टोलीको जाँच गर्दा नतीजा नेगेटिभ आएको थियो तर रिपडोर्फ क्लबले उनीहरूसँगको खेल सुरक्षित ठानेन । यदि उनीहरूले खेल नखेलेको भए २ सय युरोको जरिबाना तिर्नु पर्नेथियो । सोहि कारण उनिहरु मैदानमा उत्रिएका थिए ।

कमेडी वाईल्डलाईफ फोटोग्राफी अवार्ड्सका लागि अन्तिम चरणमा पुगेका तस्बिर मदिरा उपभोगमा क्रान्ति ल्याउँदै नयाँ पुस्ता उनीहरूले खेल पछि सार्नका निम्ति गरेको अनुरोधलाई स्थानीय संघले अस्वीकार गरिदियो । सो खेल जर्मन फुटबल लिगको ११ औँ तहको प्रतियोगिता अन्तर्गतको थियो । सुरक्षित हुनाका लागि आवश्यक १४ दिनको अवधि नकटेको हुनाले रिपडोर्फले होल्डेन्स्टेडसँग खेल्न नचाहेको जनाईएको छ । होल्डेन्स्टेडले पनि आफ्ना वैकल्पिक खेलाडीहरूमात्र खेल मैदानमा उतारेको थियो ।

कसरी भए त्यति धेरै गोल ?

नियम पूरा गर्न रिपडोर्फले केवल सातजना खेलाडीमात्र मैदानमा सहभागी गरायो । तीमध्ये एक खेलाडीले खेलको सुरूमा मैदानमा गएर बल प्रतिद्वन्द्वीका खेलाडीतर्फ हिर्काए । त्यसपछि सबै सातजना खेलाडी मैदानको छेउतिर लागे अनि खेलमा सहभागी भएनन् ।

रिपडोर्फ क्लबका सहअध्यक्ष प्याट्रिक रिस्टोले इएसपीएनलाई भने – होल्डेन्स्टेडका खेलाडीहरूले केही बुझेनन् । तर हामीले जोखिम उठाउन चाहेनौँ । उनले भने – हाम्रा खेलाडी प्रतिद्वन्द्वीको नजिक परेनन् । उनीहरूले सामाजिक दूरीको नियम पालना गर्न प्रतिद्वन्द्वी खेलाडीसँग दुई मिटरको दूरी कायम राखे । तर होल्डेन्स्टेडले मौका खेर फालेन । प्रत्येक दुईदेखि तीन मिनेटमा एक गोल गरिरह्यो ।

अन्तत  रिपडोर्फ शून्यका विरुद्ध ३७ गोलले पराजित भयो । होल्डेन्स्टेडका प्रशिक्षक फ्लोरियन शिरवाटरको भनाइ यस्तो रह्यो, यो खेल नखेल्नुपर्ने कुनै कारण थिएन ।

प्रकाशक

गृहनगर पब्लिकेसन प्रा.लि.,भरतपुर ,चितवन ,नेपाल.

फोन :- ९७७-५६५९४४४०

ईमेलः [email protected]

सूचना तथा प्रसारण बिभाग दर्ता नं.२०३७/०७७-७८