देशभरमा ९२७ जना कोरोना संक्रमण थपिए, उपत्यकामा मात्रै ४१५ जना

भाद्र–१२ ,२०७७

पछिल्लो २४ घण्टामा देशभरमा १० हजार २२९ जनाको नमुना परीक्षण गर्दा ३ सय ३४ जना महिला र ५९३ जना पुरुष गरि ९ सय २७ जना कोरोना संक्रमित थपिएको स्वास्थ्य तथा जनसंख्या मन्त्रालयका प्रवक्ता डा.जागेश्वर गौतमले बताएका छन् । योसँगै नेपालमा कोरोना संक्रमितको संख्या ३६ हजार ४५६ पुगेको छ ।

विगत २४ घण्टामा काठमाण्डौमा ३५०, भक्तपुरमा ५४ र ललितपुरमा ११ जना गरि काठमाण्डौ उपत्यकामा मात्रै ४ सय १५ जना नयाँ संक्रमित थपिएका छन् । आज चितवनमा मात्रै २६ जना कोरोना संक्रमण पुष्टि भएको छ ।

पछिल्लो २४ घण्टामा १ सय ६९ जना संक्रमितहरु निको भई घर फर्केका छन् । यो सँगै निको भई घर फर्कनेको संख्या २० हजार २४२ जना पुगेको छ ।