चितवनमा कोरोना संक्रमणबाट २ जनाको मृत्यु

भाद्र–१२, २०७७

भरतपुर स्थित पुष्पाञ्जली अस्पताल र चितवन मेडिकल कलेजमा गरि २ जना कोरोना संक्रमितको मृत्यु भएको छ । पुष्पाञ्जली अस्पतालमा भरतपुर २ का ५१ वर्षिय पुरुषको  र चितवन मेडिकलमा हेटौंडा १९ कि ७१ वर्षीया महिलाको मृत्यु भएको छ । मृतक पुरुष लामो समयदेखि दमका उपचार गराई रहेको अस्पतालले जनाएको छ ।

दम र निमोनियाको समेत समस्या भएकी महिलालाई उपचारको लागी चितवन मेडिकल कलेजमा भर्ना गरिएको थियो । उनको पनि शुक्रवार विहानै मृत्यु भएको हो । चितवनमा हालसम्म कोरोनाबाट मृत्युहुनेको संख्या ७ पुगेको छ ।

हाल चितवन मेडिकल कलेजमा २० जना आईसियुमा र ३ जनाको भेन्टिलेटरमा उपचार भईरहेको छ ।