झापाका संक्रमितको धरानमा मृत्यु

भाद्र –१२ , २०७७

कोरोना भाइरस संक्रमणका कारण झापामा एक जनाकोे मृत्यु भएको छ । कमल गाउँपालिकाका–३ का ८३ वर्षीय बृद्धको बीपी कोइराला स्वास्थ्य विज्ञान प्रतिष्ठान धरानमा मृत्यु भएको हो ।

कोरोना भाइरस संक्रमण पुष्टि भएपछि एक साताअघि उनलाई उपचारका लागि धरान स्थित बीपी कोइराला स्वास्थ्य विज्ञान प्रतिष्ठानमा भर्ना गरिएको थियो । उपचारको क्रममा शुक्रवार विहान ४ः३० वजे उनको मृत्यु भएको थियो ।

मृतकका परिवारका एक सदस्यमा पनि कोरोना भाईरस संक्रमण देखिएकाले उनको मेची अस्पताल भद्रपुरको आइसोलेसन वार्डमा उपचार भइरहेको छ ।
हिजो मात्रै देशभरमा ५ महिला र ३ पुरुषगरि ८ जनाको मृत्यु भएको थियो ।