भरतपुरमा चितवनका ४० सहित ४४जना कोरोना संक्रमित थपिए

चितवन । भरतपुर अस्पतालको कोभिड १९ प्रयोगशालामा गरिएको परीक्षणमा चितवनका ४० जना सहित ४४ जनामा कोरोना भाइरस संक्रमण पुष्टि भएको छ । भरतपुर महानगरपालिका २,४,५,७,९,१०,११,१२,१४,१५ र १६ वडाका २० महिला र १६ पुरुष गरि ३६ जना रहेका छन् । रत्ननगर १,६ र १३ का २ महिला र १ पुरुष गरि ३ जना । खैरहनि – १ का १ पुरुष छन ।

यस्तै नवलपुर , र रुपन्देहीका १÷१ महिला छन् भने तहनहँका १ पुरुष रहेका छन । संक्रमितहरु ५ देखि ७१ बर्ष सम्मका रहेका छन।

परिक्षण गरिएका नमुनाहरु भरतपुर अस्पताल , बिपि कोइराला मेमोरियल क्यान्सर अस्पताल र पुरानो मेडिकलबाट संकलन गरिएको थियो।

मंगलबार राती १० वजेसम्म गरिएको २ सय १८ वटा नमूना मध्ये १ सय ७४ वटा नमूना नेगेटिभ आएको हो भने ४४ वटामा पोजेटिभ आएको प्रयोगशालाले जनाएको छ ।