पूर्वानुमान विपरीत पश्चिम नेपालमा बढी वर्षा भयो : मौसमविद् पोखरेल

मौसम पूर्वानुमानमा बंगालको खाडीमा विकसित चक्रवात ‘अर्नब’को प्रभाव पश्चिम नेपालमा धेरै नपर्ने बताइएको थियो । तर, त्यसविपरीत पश्चिम नेपालमा ‘अर्नब’को प्रभाव देखिएको छ ।

पश्चिम नेपालमा पानी परिरहेको छ । “पूर्वानुमान धेरै हदसम्म मिल्दै आए पनि अहिले भइरहेको वर्षाको स्थान भने अपेक्षाभन्दा फरक परेको छ,” मौसमविद् विनोद नेपाल भन्छन्, “पूर्वी नेपालमा बढी वर्षा हुने अनुमान थियो । तर, अहिले पश्चिम नेपालमा बढी वर्षा भइरहेको छ ।”

अझै केही ठाउँमा भारी वर्षा भइरहेको उनले बताएका छन् । आज बिहानसम्म पनि वर्षा जारी रहने उनको भनाइ छ ।

“व्यापक क्षति पुर्‍याउने खालको वर्षा हुने संकेत देखिँदैन,” मौसमविद् पोखरेल सामाजिक सञ्जाल फेसबुकमा लेख्छन्, “तर, केही ठाउँमा छोटो समयमै ठूलो पानी पर्ने सम्भावना नकार्न सकिँदैन ।”