भोटेकोसीमा फेरि बाढी बढ्यो, मुग्लिनसम्मै उच्च सतर्कता अपनाउन आग्रह

रसुवाको भोटेकोसी नदीमा शुक्रबार राति फेरि बाढी बढेको छ । बाढी बढेकोबारे जिल्ला प्रहरी कार्यालय रसुवामा चीन तर्फबाट सूचना प्राप्त भएको बाढी पूर्वानुमान महाशाखाले जनाएको छ ।

त्रिशूली नदीको तटीय क्षेत्र (मुग्लिनसम्म)मा अर्को सूचना नआउँदासम्म उच्च सतर्कतासहित सुरक्षित स्थानमा रहन महाशाखाले अनुरोध गरेको छ ।

‘भदौ १२, राति ८:५४ बजे । जिल्ला प्रहरी कार्यालय रसुवामा चीन तर्फबाट प्राप्त सूचनाअनुसार भोटेकोसीमा पुनस् बाढी बढेकोले त्रिशुली नदीको तटीय क्षेत्र (मुग्लिनसम्म) अर्को सूचना नआउँदासम्म उच्च सतर्कतासहित सुरक्षित स्थानमा रहन अनुरोध छ, महाशाखाले भनेको छ ।