सम्पत्ति छानबिनका लागि सरकारले बनायो आयोग

मन्त्रिपरिषद्को बैठकले सम्पत्ति छानबिनका लागि आयोग बनाएको छ । बुधबार बसेको मन्त्रिपरिषद्को बैठकले २०६२/०६३ यताका उच्चपदस्थ कर्मचारी र राजनीतिक पद धारण गरेकाहरूको सम्पत्ति छानबिनका लागि आयोग बनाउने निर्णय गरेको हो ।

सरकारले पाँच सदस्यीय छानबिन आयोग गठन गरेको छ । सर्वोच्च अदालतका पूर्वन्यायाधीश राजेन्द्रकुमार भण्डारीको संयोजकत्वमा आयोग गठन गरिएको हो ।

उक्त आयोगमा पूर्वन्यायाधीशहरू पुरुषोत्तम पराजुली, चण्डिराज ढकाल, पूर्वप्रहरी नायवमहानिरीक्षक गणेश केसी र चार्टड एकाउन्टेन्ट प्रकाश लम्साल छन् ।

आयोगले ०६२/६३ देखि हाल ०८२/८३ सम्म सार्वजनिक पद धारण गरेका प्रमुख राजनीतिक पदाधिकारी तथा उच्च पदस्थ कर्मचारीको सम्पत्ति विवरणको संकलन प्रमाणीकरण तथा छानबिन गर्ने सरकारका प्रवक्ता तथा शिक्षामन्त्री सस्मित पोखरेलले जानकारी दिए ।