कमरेड केपी ओलीलाई म विश्वास गर्न चाहन्छु : प्रचण्ड

वैशाख १०, २०८१, सोमवार

काठमाडौं । नेकपा ९माओवादी केन्द्र०का अध्यक्ष समेत रहेका प्रधानमन्त्री पुष्पकमल दाहाल ‘प्रचण्ड’ले पहिलेजस्तो हौसिएर आफूहरू कम्युनिस्ट एकता गर्ने पक्षमा नरहेको बताएका छन् ।

कम्युनिस्ट पार्टीको ७५औँ स्थापना दिवसका अवसरमा सोमबार नेकपा ९एमाले०ले आयोजना गरेको कार्यक्रममा उनले अहिलको सहकार्यलाई अघि बढाउनुपर्नेमा जोड दिए । “हामी पहिलेको जस्तो हतारमा हौसिएर कम्युनिस्टको एकता भन्ने पक्षमा छैनौँ । त्यो बेला अलि बढी हौसिएछ कि १ समयभन्दा अगाडि नै दौडिएछ कि भन्ने पनि हेक्का राख्नुपर्ने ठान्छु,” उनले तत्कालीन एकताको स्मरण गर्दै भने, “सहकार्य सुरु गरेका छौँ । राम्रो सहकार्य गरौँ । यसबाट जनता र राष्ट्रलाई राम्रो सेवा दिऔँ । त्यसो हुँदै गयो भने राजनीतिक दलहरूको बीचमा, कम्युनिस्टहरूको बीचमा स्वतः नै एउटा आधारभूमि तयार हुन्छ ।”

प्रचण्डले कम्युनिस्ट एक भएर अघि बढ्दा ठूला काम भएको स्मरण गरे । अहिले संविधान कार्यान्वयन, समाजवादको आधार तयार पार्ने विषयमा इमानदार भएर लाग्नुपर्ने उनले बताए ।

प्रधानमन्त्री प्रचण्डले एमाले अध्यक्ष केपी शर्मा ओलीलाई आफूले विश्वास गर्न चाहेको सुनाए । “कमरेड केपी ओलीलाई म विश्वास गर्न चाहन्छु । हामी हिजो विश्वास र अविश्वासको निकै ठूलो चक्रबाट गुज्रेका छौँ । म विश्वास गर्न चाहन्छु । र, नयाँ प्रक्रियातिर अघि बढौँ भन्ने अपिल गर्न चाहन्छु,” प्रचण्डले भने ।