चितवनमा ट्रक र कार ठक्कर खाँदा चारजना घाइते, एक गम्भीर

वैशाख ७, २०८१, शुक्रवार

चितवनमा ट्रक र कार ठक्कर खाँदा कारमा सवार ४ जना घाइते भएका छन। जस मध्ये एक जना गम्भीर रहेको प्रहरीले जनाएको छ।

प्रहरीका अनुसार आज (शुक्रवार) बिहन ६:१० बजेको समयमा भरतपुर -२९ मा पर्ने १७ किलोमा भरतपुरबाट मुग्लिङ तर्फ जाँदै गरेको बिएबि ५३२० नम्बरको कार र बिपरित दिशाबाट आउदै गरेको बा.प्र.०३००१ ख २०६३ नं. को ट्रक एक आपसमा ठक्कर खाँदा कारमा सवारहरु घाइते भएका हुन।

घाइते हुनेहरुमा कार चालक भरतपुर – १९ बस्ने बर्ष ३८ को शैलेन्द्र सुबेदी, रुपन्देहीको बुटवल – २ बस्ने बर्ष ४६ का सुमन मल्ल, सोही स्थान बस्ने बर्ष ७४ का केशब मल्ल र बर्ष ६८ कि सुबर्ण मल्ल रहेका छन। सुबर्णको अबस्था भने गम्भीर रहेको प्रहरीले जनाएको छ।

ट्रक चालक धादिङको धुनेबेशी – ७ बस्ने बर्ष ४२ को राजु भण्डारी प्रहरीको नियन्त्रणमा रहेको जनाइएको छ।