• असार १०, २०८१, सोमवार Monday, 24 June, 2024

दावा छिरिङले काभ्रेका निमा तामाङको नाममा नागरिकता लिएको पुष्टि

  • खबरदाता

दावा छिरिङले काभ्रेका निमा तामाङको नाममा नागरिकता लिएको पुष्टि

भदौ १४, २०८०

 

६० किलो सुन तस्करी प्रकरणमा पक्राउ परेका दावा छिरिङले काभ्रेपलाञ्चोक जिल्ला प्रशासन कार्यालयबाट निमा तामाङका नाममा नागरिकता लिएको पुष्टि भएको छ ।

गृह मन्त्रालयका अनुसार उनले काभ्रेपलाञ्चोकको नमोबुद्ध नगरपालिका–११ का पेमा तामाङको छोरो बनेर नागरिकता लिएको गृह मन्त्रालयले बनाएको छानबिन टोलीले पुष्टी गरेको हो ।

उपसचिव कृष्णबहादुर कटुवालको संयोजकत्वमा गठित छानबिन समितिले दुई हप्ता लगाएर गरेको अनुसन्धानमा दावाले नेपालबाट नागरिकता लिएको पुष्टि भएको हो । उनी नेपालमा बेल्जियम नागरिकका रुपमा पर्यटक भिसामा आएको अवस्थामा साउन १३ गते पक्राउ परेका थिए ।

उनले नेपाली नागरिकता लिएको पाइएपछि तथ्य पुष्टि गर्न अनुसन्धान टोली गठन गरिएको थियो । सो नागकिरताको यकिन गर्न गरिएको अनुसन्धानमा उनले कीर्ते गरेर नेपाली नागरिकता लिएको पुष्टि भएको हो ।

समितिले बनाएको प्रतिवेदन मन्त्रालयलाई बुझाइसकिएको छ । थप अपराध अनुसन्धान भने सिआइबीलाईले नै हेर्ने गरी सिफारिस गरिएको पनि समितिले जनाएको छ ।

  • प्रकाशित मिति : भदौ १४, २०८०, बिहीवार १३:३० बजे

प्रकाशक

गृहनगर पब्लिकेसन प्रा.लि.,भरतपुर ,चितवन ,नेपाल.

फोन :- ९७७-५६५९४४४०

ईमेलः khabarmuluk@gmail.com

सूचना तथा प्रसारण बिभाग दर्ता नं.२०३७/०७७-७८