वडाध्यक्ष सहित दुई सय बढी नेकपा एसमा प्रवेश
असार–२, २०८०
पूर्वी चितवनको राप्ती नगरपालिकामा अहिले पार्टी प्रवेश गर्नेको लहर चलेको छ । वडा नं ७ की वडाध्यक्ष सुनिता डल्लाकोटी सहित करिब दुईसय जना नेता तथा कार्यकर्ता नेकपा एकीकृत समाजबादीमा प्रवेश गरेका छन् ।
नेकपा एमालेले टिकट नदिएपछि डल्लाकोटी २०७९ को सालको स्थानीय तहको निर्वाचनमा स्वतन्त्र रुपमा निर्वाचन लडेकी थिइन । प्रतिष्पर्धी अन्य उम्मेदवारलाई पराकिलो मतान्तरले पछि पार्दै निर्वाचन जितेकी डल्लाकोटी निर्वाचित भएको १३ महिनापछि एमालेबाट फुटेको समाजवादीमा प्रवेश गरेकी हुन ।
शनिबार आयोजित प्रशिक्षण कार्यक्रममा नेकपा एसका केन्द्रीय उपाध्यक्ष तथा बागमती प्रदेशका पूर्व मुख्यमन्त्री राजेन्द्र प्रसाद पाण्डेले डल्लाकोटीलाई पार्टी प्रवेश गराएका हुन । डल्लाकोटी राप्तीकी प्रभावशाली महिला नेतृको रुपमा परिचित छिन् ।
उनी २०७४ सालको स्थानीय तहको निर्वाचनमा सोही वडाको वडाध्यक्षमा निर्वाचित भएकी थिइन् । डल्लाकोटी सहित अमृत खानेपानीका अध्यक्ष गङ्गा सिंह घले तथा बोधप्रसाद रिजाल, मंजा तामाङ लगाएत करिब २०० जना एकिकृत समाजवादीमा प्रवेश गरेको जनाइएको छ ।
सो कार्यक्रममा पार्टीका पोलिटब्यूरो सदस्य कृष्ण खनाल, जिल्ला अध्यक्ष अरुणपीडित भण्डारी, राप्ती नगरपालिकाका नगर प्रमुख मेयर शम्शेर लामा लगायत नेताहरुको सहभागिता रहेको थियो ।
गृहनगर पब्लिकेसन प्रा.लि.,भरतपुर ,चितवन ,नेपाल.
फोन :- ९७७-५६५९४४४०
ईमेलः khabarmuluk@gmail.com
सूचना तथा प्रसारण बिभाग दर्ता नं.२०३७/०७७-७८