चितवनमा आज ३२६ जनामा कोरोना भाइरस संक्रमण पुष्टि

परिक्षण गरिएकामध्ये ३७ प्रतिशतमा संक्रमण।

माघ ११ ,२०७८

चितवन- चितवनमा आज (मंगलबार) ३२६ जनामा कोरोना भाइरस संक्रमण पुष्टि भएको छ।स्वास्थ्य कार्यालय चितवनका अनुसार ६६६ जनाको पिसीआर र २१० जनाको एन्टिजेन परिक्षण गर्दा ३२६ जनामा संक्रमण पुष्टि भएको हो ।

संक्रमित मध्ये सबै भन्दा धेरै २३३ जना भरतपुर महानगरपालिका भित्रका रहेका छन। चितवनमा सक्रिय संक्रमितको संख्या ३६१९ पुगेको छ। संक्रमित मध्ये ३५७९ होमआइसोलेसन र ४० जना संस्थागत आइसोलेसनमा रहेको स्वास्थ्य कार्यालयले जनाएको छ ।