चितवनमा थपिए १७९ संक्रमीत ५ को मृत्यु

परिक्षण मध्ये १८. ६२ प्रतिशतमा पोजेटिभ

साउन १३,२०७८

चितवन । आज चितवनमा ७८९ जनाको पिसिआर परिक्षण गर्दा १२४ र १७२ को एन्टिजेन परिक्षण गर्दा ५५ जनामा कोरोना भाइरस संक्रमण पुष्टि भएको छ ।

आज जिल्लाका विभिन्न अस्पतालमा थप ५ जना कोरोना संक्रमितहरुले ज्यान गुमाएका छन।

स्वास्थ कार्यालय चितवनका अनुसार भरतपुर महानगर पालिकामा १२५ , खैरहनिमा १५, रत्ननगरमा १२ ,राप्तीमा १४ र कालिकाका १ जनामा संक्रमण पुष्टि भएको हो ।

चितवनका विभिन्न अस्पतालमा ६१ जनाको आइसियुमा , जसमध्ये ८ जनाको भेन्टिलेटर र ४६ जनाको एचडियुमा उपचार भइरहेको छ । अहिले चितवनमा सक्रिय संक्रमीत २०१६ जना रहेका छन।

मृत्यु भएका मध्ये चितवनका ४ र नवलपरासीका १ जना रहेका छन।

यो संगै चितवनमा कुल मृतकको संख्या ३२५ पुगेको छ । आज चितवनमा ४१ जना संक्रमीत निको भएका छन।