चितवनमा आज १७१ संक्रमीत ४ को मृत्यु

परिक्षण मध्ये २०.२६ प्रतिशतमा पोजेटिभ

साउन १ ,२०७८

चितवन । आज चितवनमा ६७९ जनाको पिसिआर परिक्षण गर्दा ९८ र १७४ को एन्टिजेन परिक्षण गर्दा ७३ जना गरि थप १७१ जनामा कोरोना भाइरस संक्रमण पुष्टि भएको छ ।

आज जिल्लाका विभिन्न अस्पतालमा थप ४ जना कोरोना संक्रमितहरुले ज्यान गुमाएका छन ।

स्वास्थ कार्यालय चितवनका अनुसार भरतपुर महानगर पालिकामा ९१ , खैरहनिमा २१ , माडि ९, रत्ननगरमा १७,राप्ती १० र कालिकामा २३ जनामा संक्रमण पुष्टि भएको हो ।

चितवनका विभिन्न अस्पतालमा ६३ जनाको आइसियुमा , जसमध्ये १४ जनाको भेन्टिलेटर र ३५ जनाको एचडियुमा उपचार भइरहेको छ । अहिले चितवनमा सक्रिय संक्रमीत १६६२ जना रहेका छन।

मृत्यु भएका मध्ये चितवनका २ र नवलपरासीका २ जना रहेका छन।

यो संगै चितवनमा कुल मृतकको संख्या ३०५ पुगेको छ । आज चितवनमा ५९ जना संक्रमीत निको भएका छन।