चितवनमा ८२८ परिक्षणमा १४५ मा संक्रमण

परिक्षण मध्ये १७.५१ प्रतिशतमा पोजेटिभ

असार -३० ,२०७८

चितवन । आज चितवनमा ६९८ जनाको पिसिआर परिक्षण गर्दा ८८ र १३० को एन्टिजेन परिक्षण गर्दा ५७ जना गरि थप १४५ जनामा कोरोना भाइरस संक्रमण पुष्टि भएको छ ।

आज जिल्लाका विभिन्न अस्पतालमा थप ३ जना कोरोना संक्रमितहरुले ज्यान गुमाएका छन ।

स्वास्थ कार्यालय चितवनका अनुसार भरतपुर महानगर पालिकामा ७७ , खैरहनिमा ३३ , माडि ८, रत्ननगरमा १३, कालिका ४ र इच्छाकामनामा १ कालिकाका १ जनामा संक्रमण पुष्टि भएको हो ।

चितवनका विभिन्न अस्पतालमा ७७ जनाको आइसियुमा , जसमध्ये १८ जनाको भेन्टिलेटर र ३४ जनाको एचडियुमा उपचार भइरहेको छ । अहिले चितवनमा सक्रिय संक्रमीत १४५३ जना रहेका छन।

मृत्यु भएका मध्ये चितवनका २, नवलपुरका १ जना रहेका छन।

यो संगै चितवनमा कुल मृतकको संख्या २९७ पुगेको छ । आज चितवनमा ८३ जना संक्रमीत निको भएका छन।