आज २०८२ साल पुस १४ गते सोमबारको राशिफल

आज २०८२ साल पुस १४ गते सोमबार तदनुसार सन् २०२५ डिसेम्बर २९ तारिख । पौष शुक्ल पक्षको नवमी तिथि । नक्षत्र अनुसार १२ वटा राशि हुन्छन् । चन्द्रमा अनुसार राशि र नक्षत्रका पद अनुसार नाम राखिन्छ। त्यही आधारमा व्यक्तिको दैनिकीको विषयमा भविष्यवाणी हुन्छ । – ज्योतिष पण्डित सूर्यनाथ लुइटेल

मेष – मनमा खुशी मिल्नेछ । थोरै लगानी गरे पनि फाइदा हुनेछ । स्वास्थ्य क्षेत्रमा गरेको प्रयासबाट लाभ हुनेछ । विपक्षी शान्त बन्नेछन् । अनुत्पादक क्षेत्रमा खर्च नगर्नु राम्रो हुनेछ ।

वृष – दिन सामान्य छ । हरेक काममा बाधा र अवरोध हुनेछ । उत्तरको लामो यात्रा नगर्नु राम्रो हुनेछ । व्यापारमा गरेको लगानीबाट फाइदा हुनेछ । लगानीको क्षेत्रमा हिम्मत गर्नुपर्नेछ । स्वास्थ्यमा भने सुधार हुने योग छ ।

मिथुन – समय राम्रो छ । साथीभाइले साथ दिनेछन् । दैनिकी कामका लागि हिम्मत गर्नुपर्नेछ । पुरानो रोगले सताउने छ । प्राविधिक शिक्षामा गरेको लगानीबाट फाइदा हुनेछ । परिवारको सल्लाहमा गरेको काम सफल बन्नेछ ।

कर्कट – थालेका काम पूरा हुनेछ । शिक्षाको क्षेत्रमा गरेको प्रयास सफल बन्नेछ । धार्मिक क्षेत्रका अभियन्तासँगको भेटले मन शान्त बन्नेछ । पश्चिमको लामो यात्रा नगर्नु राम्रो हुनेछ ।

सिंह – आज नयाँ कामको थालनी उपयुक्त देखिन्छ । परिवारको सल्लाह लिएर अगाडि बढेमा दैनिकी सहज बन्नेछ । हरेक काममा स्वास्थ्यले साथ दिँदा मन शान्त बन्नेछ । मान्यजनको आशिर्वाद प्राप्त हुनेछ ।

कन्या – खर्च कटौती गर्नुपर्नेछ । बन्धुसँगको सहकार्यले फाइदा हुनेछ । स्वास्थ्यमा गरेको प्रयास सफल बन्नेछ । परिवारसँगको सम्बन्ध सुमधुर बन्नेछ ।

तुला – चन्द्रमा अनुकुल भएकाले दिन सहज बन्नेछ । तपाईंको कला र गलाको प्रशंसा हुनेछ । आम्दानी बढ्नेछ । विपक्षी साथीले साथ दिनेछन् । राजनीतिक क्षेत्रमा सक्रिय भए समाजसेवाको अवसर मिल्नेछ । परिवारमा भने तपाईंको कुरा नबिक्ने जोखिम छ ।

वृश्चिक – अनुत्पादक क्षेत्रमा खर्च हुँदा मन अशान्त बन्नेछ । स्वास्थ्यमा सुधार हुनेछ । धार्मिक र बौद्धिक साथीले असहयोग गर्नेछन् । लगानी गर्दा सचेत बन्नुपर्नेछ । एकल भन्दा संयुक्त लगानीबाट फाइदा हुनेछ । कृषि क्षेत्रको काममा सफलता मिल्नेछ ।

धनु – कृषि कर्ममा सफलता मिल्नेछ । फलफूल र दूधको व्यापार फस्टाउनेछ । नयाँ योजना बनाउने दिन हो । शिक्षाको क्षेत्रमा गरेको लगानीमा भने ढिलासुस्ती हुनेछ । परिवारको साथ र सहयोग मिल्नेछ ।

मकर – दिन सामान्य छ । साना कुराले मनमा चिन्ता बढ्नेछ । ठुला योजनामा हात नलगाउनु राम्रो हुनेछ । स्वास्थ्यले राम्रो साथ दिएकाले मनमा शान्ति मिल्नेछ । परिवारको साथ र सहयोग मिल्नेछ । प्रेम सम्बन्ध सुमधुर बन्नेछ ।

कुम्भ – धार्मिक कार्यमा सहभागी भएमा दिन सहज बन्नेछ । परिवारको साथ र सहयोग मिल्नेछ । बिहान उठेर पिपलको दर्शन गरेमा मन शान्त बन्नेछ । प्रेम सम्बन्ध सुमधुर बन्ने योग छ ।

मीन – मनमा चञ्चलता बढ्नेछ । शिक्षाको क्षेत्रमा गरेको लगानीबाट फाइदा हुनेछ । मिहिनेतलाई प्राथमिकतामा राखेर अगाडि बढेमा दिन सहज बन्नेछ । परिवारको साथ र सहयोग मिल्नेछ । श्रमको फल मिल्नेछ ।