मंसिर १८, २०७८
चितवन । राष्ट्रिय प्रजातन्त्र पार्टी (राप्रपा) को नमहाधिवेशनमा अहिले मतदानको कार्य भइरहेको छ । नयाँ नेतृत्व चयन गर्न मतदान जारी रहेको हो ।
राप्रपाको एकता महाधिवेशन नाम दिएर सुरु भएको कार्यक्रममा अध्यक्ष पदका लागि कमल थापा र राजेन्द्र लिङ्देन मैदानमा उत्र
भृकुटीमण्डपमा बिहान आठ बजेदेखि सुरु हुने भनिएपनि करिव १२ बजेदेखि सुरु भएको थियो ।
मतदान साँझ सक्ने कार्यतालिका छ । पूर्वनिर्धारित समयमै मतदान सुरु हुने आशमा प्रतिनिधिहरु बिहान सात बजेदेखि नै लाइनमा बसेका थिए ।
अध्यक्ष पदमा विद्युतीय मेसिन र अन्य पदमा मतपत्र प्रयोग गरिएको छ । राप्रपाको १ सय ९९ सदस्यीय कार्यसमितिमध्ये मतदानबाट अध्यक्षसहित एक सय ४९ सदस्य चुनिने छन् । बाँकी ५० जना अध्यक्षले मनोनित गर्ने राप्रपाको संशोधित विधानमा उल्लेख छ ।
समावेशीसहित १४१ केन्द्रीय सदस्यका लागि २ सय ६४ जनाले उम्मेदवारी दिएका छन् । आठ सदस्यीय पदाधिकारीका लागि १६ जनाको उम्मेदवारी परेको छ । पदाधिकारीमा एक महिलासहित चार उपाध्यक्षका लागि आठ जना र एक महिलासहित तीन महामन्त्रीका लागि ६ जना चुनावी प्रतिस्पर्धामा छन् ।
यस पटक रेखा थापाले समेत पदाधिकारीको पदमा उम्मेदवारी दिएकी छिन् । त्यस्तै विक्रम पाण्डेले पनि केन्द्रीय उपाध्यक्ष पदमा उम्मेदवारी दिएका छन् । त्यस्तै चितवनकै रिना गुरुङलेपनि केन्द्रीय सदस्यमा खुल्ला महिलातर्फबाट उम्मेदवारी दिएकी छिन् ।
राप्रपा महाधिवेशन मंसिर १५ देखि भृकुटीमण्डपमा जारी छ।राप्रपा महाधिवेशनमा ४ हजार ३८० मतदाता छन्।
गृहनगर पब्लिकेसन प्रा.लि.,भरतपुर ,चितवन ,नेपाल.
फोन :- ९७७-५६५९४४४०
ईमेलः khabarmuluk@gmail.com
सूचना तथा प्रसारण बिभाग दर्ता नं.२०३७/०७७-७८