कात्तिक १९,२०७८
सामाजिक संजालमा अतिनै क्रियाशील नेपाल सरकारका पूर्व सचिव भिम उपाध्यायले सामाजिक संजाल मार्फतनै धेरैलाई सहयोग गर्दै आएका छन् ।
उनले लेखेका फेसबुक स्टाटसले धेरैको जीवनशैली परिवर्तन भएको पाइन्छ । बिहीवार राति सहयोगको अपील गर्दै उनले लेखेको स्टाटसले सल्यानका चार वालवालिकालाइ सहयोगको ओइरो लाग्न थालेको छ ।
सल्यानको कुमाख गाउँपालिका वडानम्वर ५ का एकै परिवारका चार जना टुहुरा वालवालिकाले खान नपाएकोले सहयोगको अपील गर्दै उनले फेसबुकमा पोष्ट गरेका थिए । पोष्टमा चार जना वालवालिका लहरै देख्न सकिन्छ । जसका बाबु कविराम खड्काले रक्सीले मातेको वेला आफ्नो श्रीमतीको हत्या गरेपछि ती चार जना बालवालिका टुहुरा त यसै नै भए, तीनका बाबु पनि कर्तव्य ज्यानको मुद्दामा जन्मकैदको फैसलामा जेल चलान भएका छन् ।
यसरी अभिभावकविहीन बनेका उनीहरुको सहयोगका लागि उपाध्यायले स्टाटस हालेका थिए ।
शुक्रवार फेरि उनले त्यही विषयमा अर्काे स्टाटस लेखेका छन् । जसमा उनले सहयोगीहरुले दिएको रकम सहित उल्लेख गरेका छन् ।
विहान १० बजेसम्म ती वालवालिकाका लागि ८० हजार २४८ रुपैयाँ जम्मा भइसकेको सामाजिक सजालमा उनले लेखेका छन् । अझै सहयोग आउनेक्रम जारी रहेकोछ ।
गृहनगर पब्लिकेसन प्रा.लि.,भरतपुर ,चितवन ,नेपाल.
फोन :- ९७७-५६५९४४४०
ईमेलः khabarmuluk@gmail.com
सूचना तथा प्रसारण बिभाग दर्ता नं.२०३७/०७७-७८