पोर्चुगल र नेदरल्यान्डको हार

असार १४,२०७८

युरो कपमा साबिक विजेता पोर्चुगल दोस्रो चरणबाट बाहिरिएको छ ।

बेल्जियमसँग गए राती भएको खेलमा पोर्चुगल १–० ले पराजित भएको हो । पहिलो हाफमा १–० ले पछि परेको पोर्चुगलका राफेल गुरारेको प्रहार गोल पोस्टमा लागेर फर्किएको थियो भने रुबेन डायसले नजिकैबाट गरेको हेड बेल्जियमको गोलरक्षकले बचाएका थिए । थोर्गान हजार्डले बेल्जियमका थोर्गान हजार्डले ४२ औ मिनेटमा डिबक्स बाहिरबाट सानदार गाल गरे ।

यस अघि भएको खेलमा चेक गणतन्त्रले १० खेलाडी सीमित नेदरल्यान्डलाई २–० ले हरायो । नेदरल्यान्डका माथथिस डि लिगिटले ५५ ओ मिनेटमा रातो कार्ड पाए पछि त्यसको १३ औ मिनेट पछि चेकका होल्सले चेकका पहिलो गाले गरे । तीनै होल्सले मिलाइदिएको अवसरमा ८८ औ मिनेटमा स्चीकले अर्को गोल गरे ।

प्रस्ट गोल अवसरमा फल गरेका भिएआरबाट प्रस्ट भए पछि लिगिटलाई रातो कार्ड देखाइएको हो । विजयी चेकले क्वार्टर फाइनलमा डेनमार्कसँग तथा बेल्जियमले इटालीसँग खेल्ने छन् ।