आज निकोहुने ३९९४ जना, ४६ को मृत्यु

आज १९.४ प्रतिशतमा संक्रमण ।

जेष्ठ ३० ,२०७८

चितवन । आज एकै दिनमा ३९९४ जना संक्रमीत निको भएका छन । हालसम्म निको हुने संक्रमितको संख्या ५ लाख ३१ हजार १०५ रहेको छ । यो ८७.३ प्रतिशत हो ।

स्वास्थ्य मन्त्रालयका अनुसार थप २४०७ जनामा कोरोना भाइरसको संक्रमण पुष्टि भएको छ । योसंगै संक्रमितको कुल संख्या ६ लाख २८ हजार ९४२ पुगेको छ ।

देश भर ७५१७ को पिसिआर परिक्षण गर्दा १६९४ र ४८८९ जनाको एन्टिजेन परिक्षण गर्दा ७१३ जना गरि कुल २४०७ जनामा संक्रमण पुष्टि भएको हो । जसमध्ये चितवनका २४ जना रहेका छन् ।

आज चितवनका २ सहित थप ४६ जनाको मृत्यु हुँदा कोरोनाबाट मृत्यु हुनेको कुल संख्या ८४१२ पुगेको छ ।