चितवन संक्रमण दरमा कमि ,आज १६१ संक्रमीत

जेष्ठ ७ ,२०७८

चितवन । पछिल्लो चौबीस घन्टामा चितवनमा ७६१ जनाको पिसिआर परिक्षण गर्दा १२२ र ८० एन्टिजेन परिक्षा गर्दा ३९ जना गरि १६१ जनामा कोरोना भाइरस संक्रमण पुष्टि भएको छ ।

आज जिल्लाका विभिन्न अस्पतालहरुमा थप ९ जना कोरोना संक्रमितहरुले ज्यान गुमाएका छन ।

स्वास्थ कार्यालय चितवनका अनुसार भरतपुर महानगर पालिकामा ११६ जना संक्रमीत थपिए भने खैरहनिमा नगरपालिकामा ११ ,माडि नगरपालिकामा १२,रत्ननगरमा ८ ,राप्तीमा ५ र कालिकामा ९ गरि थप १६१ जनामा संक्रमण पुष्टि भएको छ ।

चितवनका विभिन्न अस्पतालमा २६५ जनाको आइसियुमा , ६० जनाको भेन्टिलेटरमा र ८३ जनाको एचडियुमा उपचार भइरहेको छ । अहिले चितवनमा सक्रिय संक्रमीत ४६४८ जना रहेका छन।

चितवनका विभिन्न अस्पतालमा उपचाररत रहेका ९ जना संक्रमितको मृत्यु भएको छ । मृत्यु हुनेमा चितवनका ३, नवलपरासी ४,रुपन्देही १ र नुवाकोट १ जना रहेका छन।

आज मृत्यु भएका मध्ये भरतपुर अस्पतालमा १ ,चितवन मेडिकल कलेजमा ३, पुरानो मेडिकल कलेजमा ३ र अन्य अस्पतालमा २ जना रहेका छन।

यो सगै चितवनमा कुल मृतकको संख्या १८६९पुगेको छ । आज चितवनमा थप ५० जनाले कोरोना जितेका छन।