कांग्रेस नेता तथा पुर्वमन्त्री जोशीको निधन

चैत्र १३,२०७७

नेपाली कांग्रेसका नेता नवीन्द्रराज जोशीको आज निधन भएको छ ।

प्रतिनिधिसभा सदस्य तथा पुर्वमन्त्री समेत रहेका जोशीलाई
मष्तिश्कघात भई काठमाडौंको नर्भिक अस्पतालमा उपचार गराइरहेका थिए । उनको शुक्रबार राति ८:२४ बजे मृत्यु भएको नर्भिक अस्पतालले जनाएको छ ।

फागुन १४ गते स्वास्थ्य समस्या देखिएपछि जोशीलाई वीर अस्पताल लगिएको थियो । वीरले उनलाई नर्भिकमा रेफर गरेको थियो ।

मष्तिष्कघातको समस्या देखिएपछि अस्पतालले सुरुदेखि नै भेन्टिलेटरको सहायतामा उपचार गरिरहेको थियो ।