झाक्री पक्राउको बिरोधमा चितवनमा पनि प्रदर्शन

माघ २९, २०७७

नेकपाकि नेतृ रामकुमारी झाक्रीलाई पक्राउ गरेको बिरोधमा नेकपा दाहाल -नेपाल समुह निकट विभिन्न संगठनहरुले बिरोध गरेका छन।

आज भरतपुरको चौबीसकोठिमा केहिबेर चक्का जाम गर्दै उनिहरुले बिरोध गरेका हुन। बिना सर्त झाक्रीलाई रिहा नगरे थप आन्दोलन गर्ने उनिहरुले चेतावनी दिए ।

लोकतन्त्रमा जनताले बोल्न पाउने अधिकारलाई ओलि सरकारले ताल्चा लगाउदै सर्ब सत्ताबाद लाद्न खोजेको उनिहरुले आरोप लगाए। आजकै दिनबाट सरकारको दिन गन्ती सुरु भएको भन्दै आन्दोलन नरोकिने बताए ।

केही दिन अघि मात्र गोरखामा भएको आफ्नो समुहको बिरोध सभामा उनले रास्ट्रपति भण्डारीलाई सकृय राजनीति गरेको आरोप लगाएकी थिइन।

ओली समुहको दबाबमा उनलाई पक्राउ गरिएको दाहाल-नेपाल समुहले आरोप लगाउदै आएको छ । झाक्रीलाई अहिले अपराध महाशाखामा राखिएको छ ।