आज ओलीलाई जवाफ दिदै प्रचण्ड -नेपाल समुह

  • खबरदाता
  • माघ २८, २०७७

माघ२८ ,   २०७७

प्रतिनिधिसभा विघटनविरुद्ध आन्दोलनरत नेपाल कम्युनिस्ट पार्टी प्रचण्ड–नेपाल समुहले राजधानी काठमाडौंमा तेस्रोपटक शक्ति प्रदर्शन गर्ने भएको छ । असंवैधानिक कदम सच्याउनुपर्ने माग गर्दै आन्दोलनरत प्रचण्ड–नेपाल समुहले सरकारविरुद्ध आज तेस्रोपटक शक्ति प्रदर्शन गर्न लागेको हो ।माघ २३ गते नेकपा ओली समुहले नारायणहिटीअगाडि शक्ति प्रदर्शन गरेको थियो । पँर्वघोषित कार्यक्रमअन्तर्गत प्रचण्ड–नेपाल समँहले आज हुने शक्ति प्रदर्शनमार्फत जवाफ दिने भएको छ ।

प्रधानमन्त्री केपी शर्मा ओलीको असंवैधानिक कदम सच्याउनुपर्ने माग राख्दै आएको उक्त समँहले काठमाडौंमा गर्ने बृहत् प्रदर्शनका लागि उपत्यकाबाहिरबाट समेत कार्यकर्ता ल्याउने भएको छ । नेकपा केन्द्रीय संघर्ष समितिका अनुसार आज काठमाडौंका मुख्य ५ स्थानबाट जुलुस निकाल्ने तयारी भएको छ । जुलुस निस्कने ५ स्थानमा विभिन्न नेताहरुलाई जिम्मेवारी तोकिएको छ । सो समुहको आज पुल्चोक, त्रिपुरेश्वर, माइतीघर, केशरमहल र जमलबाट जुलुस निस्कनेछ ।पुल्चोकबाट निस्कने जुलुसको नेतृत्व स्थायी समिति सदस्य कृष्णबहादुर महरा, पम्फा भुसाल, रघुजी पन्त, नेताहरु प्रमेश हमाल तथा संघ–प्रदेशका सांसदहरुले गर्नेछन् । त्यसै गरी त्रिपुरेश्वरबाट निस्कने जुलुसको नेतृत्व अष्टलक्ष्मी शाक्य, घनश्याम भुसाल, चक्रपाणि खनाल, जनार्दन शर्मा, मुकन्द न्यौपाने, युवराज ज्ञवाली, वर्षमान पुन, सुरेन्द्र पाण्डे, विष्णुपुकार श्रेष्ठलगायत केन्द्रीय कमिटी सदस्यहरुले गर्नेछन् ।

त्यसै गरी माइतीघरबाट निस्कने जुलुसमा नेताहरु अमृतकुमार बोहोरा, गणेश शाह, गिरिराजमणि पोखरेल, भीम आचार्य, मातृका यादव, हरिबोल गजुरेल तथा केन्द्रीय कमिटीका सदस्यहरु, सम्बन्धित प्रदेश कमिटी, संघ तथा प्रदेशका सांसदहरूले नेतृत्व गर्नेछन् ।नेताहरु देवप्रसाद गुरुङ, देवेन्द्र पौडेल, भीम रावल, शक्तिबहादुर बस्नेत, केन्द्रीय कमिटी सदस्यहरु, सम्बन्धित प्रदेश कमिटीका सदस्यहरु, संघ तथा प्रदेशका सांसदहरुले केशरमहलबाट निस्कने जुलुसको नेतृत्व गर्नेछन् । जमलबाट निकाल्ने जुलुसमा लीलामणि पोखेल, केन्द्रीय कमिटी सदस्यहरु, पेसागत संगठन हेर्ने केन्द्रीय सदस्यहरु, पेसागत संगठन हेर्ने केन्द्रीय सदस्यहरुले गर्ने केन्द्रीय संघर्ष समितिले जनाएको छ । मँल जुलुस भने सुन्धाराबाट शुरु हुनेछ ।

सबैतिरका जुलुस मँल जुलसमा परिणत भएपछि वीर अस्पताल, जमल, घण्टाघर, बागबजार पुतलीसडक, पद्मोदयमोड हुँदै प्रदर्शनीमार्ग पुगेर सभामा परिणत हुनेछ । नेकपाका नेतृ पम्फ भुसालले असंवैधानिक कदम सच्याउन विरोधसभाद्वारा दबाब दिने बताउनुभयो । मंगलबार सरकारविरुद्ध प्रचण्ड नेपाल समँहको युवा विद्यार्थीले राजधानीमा शक्ति प्रदर्शन गरेको थियो ।यसैबीच नेकपा प्रचण्ड–नेपाल समुहले आज हुने प्रदर्शनमा सहभागी हुन अपिल गरेको छ । पार्टीका अध्यक्षद्वय पुष्पकमल दाहाल ‘प्रचण्ड’ र माधवकुमार नेपालले भिडियोमार्फत प्रदर्शनमा सहभागी हुन अपिल गर्नुभएको हो । प्रधानमन्त्री केपी ओलीले पुस ५ गते प्रतिनिधिसभा विघटन गरेपछि नेकपा दुई समँहमा विभाजित भएको छ ।

अन्तर्राष्ट्रिय समर्थन खोज्दै प्रचण्ड–नेपाल समुह

प्रतिनिधिसभा विघटनविरुद्ध आन्दोलनरत प्रचण्ड–नेपाल समुहले अन्तर्राष्ट्रिय समर्थन खोजेको छ । मंगलबार राजधानीमा अन्तर्राष्ट्रिय सञ्चारमाध्यममा आबद्ध सञ्चारकर्मीसँग कुरा गर्दै अध्यक्षद्वय पुष्पकमल दाहाल ‘प्रचण्ड’ र माधवकुमार नेपालले संसद् विघटन संविधान, संघीय लोकतान्त्रिक गणतन्त्र र शान्ति प्रक्रियामाथिकै प्रहार भएको बताए ।

उक्त कार्यक्रममा प्रचण्डले नेपालमा लोकतन्त्रको हत्या भइरहेको बताउँदै अन्तर्राष्ट्रिय समुदायसँग छिट्टै संयुक्त छलफलसमेत गर्ने तयारी भइरहेको बताए । प्रचण्डले संविधानभन्दा बाहिर गएर असंवैधानिक र अलोकतान्त्रिक ढंगले गरिएको निर्णयलाई सर्वोच्च अदालत सदर गर्छ भन्ने आफँलाई नलागेको बताए । प्रचण्डले प्रधानमन्त्री ओलीले निर्वाचन गराउन नखोजेको बताउँदै वैशाखमा चुनाव हुन सक्दैन भन्ने लगभग पुष्टि भइसकेको दाबी गरे ।(पत्रपत्रिकाबाट)

प्रकाशक

गृहनगर पब्लिकेसन प्रा.लि.,भरतपुर ,चितवन ,नेपाल.

फोन :- ९७७-५६५९४४४०

ईमेलः [email protected]

सूचना तथा प्रसारण बिभाग दर्ता नं.२०३७/०७७-७८