पछिल्लो समय सर्वोच्च शिखर सगरमाथा माथि नै भारतीय संचारमाध्यमले परपोगाण्ड मच्चाइरहदा चितवनको भरतपुरमा भने राष्ट्रिय एकतामा गोलबद्ध हुने सन्देश दिनेगरी राष्ट्रिय झण्डा फहराउन लागिएको हो ।
पौष २९, २०७७
चितवन । चितवनको मुुटु भरतपुरको चौविसकोठीमा २४ फिट बरावरको राष्ट्रिय झण्डा फहराइने भएको छ ।
सामाजिक संस्था हेल्प फर हेप्पीनेसको सक्रियतामा चौविसकोठी स्थित पहिला शालिक भएको ठाउँमा राष्ट्रिय झण्डा राख्ने काम भइरहेको छ ।
करिव १ लाख रुपैयाँको लागतमा तयार गरिने उक्त झण्डा ५३ फिटको उचाइमा राखिनेछ भने झण्डाको साइज मात्रै २४ फिटको रहनेछ ।
विभिन्न व्यक्ति तथा संघ संस्थाहरुको सहयोगमा हेल्प फर हेप्पीनेसले सो कार्यलाई अन्तिम रुप दिन लागेको संस्थाका अध्यक्ष नविन तिवारीले जानकारी दिए ।
देशका सरकारी कार्यालयमै रहेका झण्डाहरु समेत खुलिएका,च्यातिएका अवस्थामा आफूहरुले सवैतिरको प्रतिनिधित्व गर्नेगरी यो झण्डा राख्न लागिएको उनको भनाई छ ।
उनले भने,“ देशको झण्डालाई फरफराएको हेर्ने चाहाना भयो । सरकारी कार्यालयहरुमा देखिने झण्डाहरुको समेत राम्रो व्यवस्थापन नभएकाले हामीले राष्ट्रियताको भावनालई उच्च राख्न र नेपालीपन बढाउँदै राष्ट्रिय एकताका लागि यो काम गरेका हौँ ।”
विदेशबाट सौराहा आउने पर्यटकहरुले समेत विमानस्थलमा झर्नासाथ नेपाली राष्ट्रिय झण्डा फहराएको देख्न पाउने भए । यसलाई पनि हामीले महत्वपूर्ण मानेका छौ, उनले भने ।
उनका अनुसार अवको तीन चार दिनभित्रमा झण्डोत्तलन गरिनेछ । साथै चारैतिर पानीको फोहोरालाई पनि व्यवस्थापन गरिनेछ र वरपर फूलहरु रोप्ने देखि वत्तीको समेत व्यवस्था गरिदै जाने कार्यक्रम संयोजक रमण वाग्लेले बताए ।
उक्त संस्थाले इमरजेन्सी समयमा आवश्यक पर्ने रगत परिपूर्ति गर्दै सरसफाई अभियान लगायतका सामाजिक कार्यहरु गर्दै आएको छ ।
उक्त स्थानमा झण्डा राख्नका लागि संस्थाले सम्वन्धित निकायहरुबाट मौखिक रुपमा स्वीकृति लिइसकेको छ भने वडानम्वर १० को कार्यालयबाट भने लिखित सहमति लिएको जनाएको छ ।
गृहनगर पब्लिकेसन प्रा.लि.,भरतपुर ,चितवन ,नेपाल.
फोन :- ९७७-५६५९४४४०
ईमेलः khabarmuluk@gmail.com
सूचना तथा प्रसारण बिभाग दर्ता नं.२०३७/०७७-७८