‘फेरि मर्यो गैँडा’

पौष १५, २०७७
चितवन । चितवन राष्ट्रिय निकुञ्जमा बुधवार फेरि अर्को गैँडा मृत फेला परेको छ ।

निकुञ्जको कोर ईलाका (कसरा सेक्टर मातहत मेघौली रेञ्जपोष्टको क्षेत्र) अन्द्रौलीघाट क्षेत्रमा उक्त मृत गैँडा फेला परेको हो ।

करिब २५ देखि ३० बर्षको उक्त भाले गैडाँ प्राकृतिक कारणले मरेको हुन सक्ने निकुञ्जले जनाएको छ । सो गैँडा उमेर पुगी कालगतिले मरेको हुन सक्छ, सूचना अधिकारी लोकेन्द्र अधिकारीले जनाए ।

सो गैँडाको खाग, खुर सुरक्षित रहेकोले पनि कालगतीले नै मरेको हुन सक्ने अनुमान लगाउन सकिन्छ । मृत गैडाको पोष्ट मार्टमका लागि भेटेरेनरी शाखा पठाईएको छ ।

सो गैँडाको मृत्युसंगै चालु आ.व. २०७७।७८मा ( चोरी शिकारका कारण चार र प्राकृतिककारण पन्ध्र गरी कुल १९ वटा गैडा मरेका छन् ।