दहाल-नेपाल बैठकमा ३१५ केन्द्रीय सदस्य उपस्थितिको दाबी

पौष ७,२०७७
नेकपा अध्यक्ष पुस्पकमल दहाल र वरिष्ठ नेता माधव कुमार नेपाल समुहको भेलाले नेकपाका अध्यक्ष केपि शर्मा ओलिला अध्यक्ष पदबाट हटाएको छ । ओलिलाई अनुशासनको कार्बाही गर्दै उक्त स्थानमा माधव कुमार नेपाललाई नियुक्त गरेको छ ।

मंगलबार काठमाडौँको बबरमहलस्थित कार्की पाटी प्यालेसमा जारी बैठकमा मौजुदा ४ सय ४१ केन्द्रीय सदस्यमध्ये ३ सय १५ उपस्थित भएको त्यस पक्षले जनाएको छ ।

त्यस समूहको बैठकले केपी ओलीलाई अनुशासनमा कारबाही सिफारिस गर्ने स्थायी कमिटीको निर्णयलाई केन्द्रीय कमिटीबाट अनुमोदन गर्नेछ ।

यसै गरी, नेकपा ललितपुर जिल्ला कमिटीमा दुई तिहाइ भन्दा बढी सदस्य दाहाल नेपाल कित्तामा उभिएको दाबी गरिएको छ । मङ्गलवार नै बसेको ओली समूहको बैठकले ललितपुरका ६ जनालाई केन्द्रीय समितिमा चयन गरेको छ ।
केन्द्रीय समितिमा चयन हुनेमा बाबुराम थापा, मैना अच्छामी, मधुसूदन पौडेल, नवराज सिलवाल,हरिकृष्ण व्यञ्जनकार र सुरेन्द्र मोहन शर्मा रहेका छन् ।